2015 წლის თებერვლიდან საქართველოს ინდუსტრიულ ჯგუფს (GIG) შეემატა იორგ მატიასი, როგორც ჯგუფის მთავარი შვილობილი კომპანიის საქართველოს საერთაშორისო ენერგეტიკული კორპორაციის (GIEC) ახალი გენერალური დირექტორი და GIG‐ის დირექტორთა საბჭოს წევრი. ბ‐ნ მატიასს, რომელიც გერმანიის მოქალაქეა, 30 წლიანი პროფესიული გამოცდილება გააჩნია ენერგო სექტორში, ასევე კერძო სექტორში, საჯარო სამსახურში და სამეცნიერო კვლევაში. ბ‐ნი მატიასი ეკონომიკის მეცნიერებათა დოქტორია და თავისუფლად ფლობს გერმანულ, ინგლისურ, რუსულ და ფრანგულ ენებს.
ბ‐ნი მატიასი, რომელიც მანამდე მსოფლიოს ოცზე მეტ ქვეყანაში მუშაობდა, უცხო არ არის საქართველოსთვის. 2009 წლიდან 2013 წლამდე იორგ მატიასი საქართველოს წყლის და ენერგო ბაზარზე მსხვილი კომპანიის «ჯორჯიან უოთერ ენდ ფაუერ»‐ის (GWP) მთავარი აღმასრულებელი დირექტორის თანამდებობას იკავებდა. მოგვიანებით ბ‐ნი მატიასი მონაწილეობდა კერძო ინვესტიციებში, მართავდა აქტივების მსხვილ პორტფელს სხვადასხვა სამრეწველო დარგში. 2009 წლამდე ბ‐ნი მატიასს ეკავა გერმანიის მსხვილი ენერგომომარაგების ჯგუფის MVV Energie AG‐ის საერთაშორისო კონსულტაციის და ტექნიკური საქმიანობის მმართველი დირექტორის თანამდებობა.