,,კავკასიის რეგიონის ენერგეტიკული უსაფრთხოებისადმი“ მიძღვნილი კონფერენციის ფარგლებში ,,საქართველოს საერთაშორისო ენერგეტიკული კორპორაციის“ გენერალურმა დირექტორმა  ლევან ვეფხვაძემ ჰესების მშენებლობისას  ადგილობრივი ხელისუფლების მხარდაჭერის  აუცილებლობასა და მნიშვნელობაზე ისაუბრა.ღონისძიება   USAID ენერგეტიკის პროგრამის, საქართველოს ეკონომიკის და მდგრადი განვითარების სამინისტროსა და საერთაშორისო ენერგეტიკული სააგენტოს ერთობლივი ორგანიზებით ჩატარდა.

კონფერენციის მთავარი თემა     ენერგეტიკული უსაფრთხოება და    ახალი გამოწვევები იყო. ეკონომიკის მინისტრის მოადგილის მხრიდან აქცენტები ისეთ მნიშვნელოვან თემებზე გაკეთდა ,როგორიცაა  მზარდი მოთხოვნის პირობებში საკუთარი რესურსით ჩვენ  ელექტროენერგიის მოხმარების უზრუნველყოფა იმის გათვალისწინებით, რომ საზოგადოებაში არაერთგვაროვანი დამოკიდებულებაა ჰიდროელექტროსადგურების განვითარების მიმართ.