ტყიბულში ძიძიგურის სახელობის შახტაზე სარემონტო სამუშაოები დასრულდა. კომპანია “საქნახშირმა”  აღდგენითი სამუშაოები მთელი ზაფხულის განმავლობაში აწარმოა.
საუკუნეში აშენებული ადმინისტრაციული შენობა,  რომელიც შახტის  გაჩერების შემდეგ თითქმის ათწლეული მიტოვებული და გავერანებული იყო, მხოლოდ კომპანია ჯი-აი-ჯის საწარმოში შემოსვლის შემდეგ ნაწილობრივ შეკეთდა, თუმცა მდგომარეობა მაინც სავალალო იყო.
ტყიბულელ მეშახტეებს, რომლებიც ძიძიგურის შახტაზე შრომობენ გაცილებით უკეთეს პირობებში მოუწევთ  მუშაობა. 
          მთლიანად შეიცვალა შენობის სახურავი. მოიხსნა დაზიანებული ბეტონის საფარი. დამონტაჟდა თუნუქის წყლის გამტარი ღარები და  ძაბრები.შეიცვალა შენობის ძველი კარ-ფანჯარა და  ჩაისვა ახალი  მეტალო-პლასტამასის   ფანჯრები. სატაბელო განყოფილებაში მოიხსნა რკინის გადაღობვა, დაიშალა გამოუყენებელი ოთახები და  კეთილმოეწყო,  დაიგო მეთლახი ,  გადაიტიხრა და ჩაისვა   მეტალო-პლასტმასის  კარები და ტიხრები. შეილესა და  მოიხსნა ზედმეტი   კარ-ბარიერები. ასევე შეილესა და შეიღება  კედლები, ჭერი.  რეაბილიტირებულია შახტაში ჩასასვლელი მთავარი დერეფანი. განახლებულ შენობაში ფუნქციონირება დაიწყო მეშახტეთათვის განკუთვნილმა სამზარეულომ. რომელიც  ოთხ ცვლას ემსახურება.   
    სარემონტო სამუშაოები მარიამობისთვის  დასრულდა. მეშახტეებს სადღესასწაულოდ უკვე განახლებული და  კეთილმოწყობილი  შენობა დახვდებათ.