„საქართველოს ინდუსტრიული ჯგუფი“ აგრძელებს „სოციალური დახმარების საერთაშორისო საქველმოქმედო ფონდთან“ თანამშრომლობას და უერთდება ფონდის მორიგ ინიციატივას ჩვენი ქვეყნის სოციალურად დაუცველი მოქალაქეებისთვის დახმარების გაწევაში. გაერთიენება „სოციალური დახმარების საერთაშორისო საქველმოქმედო ფონდის“ ძირითადი მიზანია სოციალურად დაუცველი ფენების მდგომარეობის შემსუბუქება (მარტოხელა მოხუცები, ობლები, მრავალშვილიანი ოჯახები, ლტოლვილები და ა.შ.). უკვე 12 წელია ფონდი რეგულარულად ახორციელებს სხვადასხვა საქველმოქმედო საქმიანობას. გარდა ამისა ზრუნავს 5-ზე მეტ მართლმადიდებლურ ეკლესიის მრევლზე; შეძლებისდაგვარად აწყობს სადილებს, არიგებს კვების პროდუქტებს, პირველადი აუცილებლობის საგნებს და მედიკამენტებს, ტანსაცმელსა და სასკოლო სახელმძღვანელოებს. ასევე ფონდი ყოველ წელს აწყობს საშობაო ნაძვის ხეს ბავშვებისთვის.
ამჯერად „საქართველოს ინდუსტრიული ჯგუფი“ მოხარულია, რომ წვლილი შეაქვს სოციალურად დაუცველი მოქალაქეებისთვის სააღდგომო ძღვენის დარიგებაში, რომლის ორგანიზებას აღნიშნული ფონდი ყოველწლიურად ახდენს.