გარემოს დაცვის მსოფლიო დღის აღსანიშნავად გარემოს დაცვის სამინისტროს და გაეროს დაგეგმილ მასშტაბურ ღონისძიებებში დღეს აქტიურად ჩაერთო ტყიბულში მოქმედი საქნახშირის საწარმოც.
,,საქნახშირი ჯი-აი-ჯი ჯგუფი“ , როგორც სოციალური პასუხისმგებლობის მქონე კომპანია აქტიურად არის ჩართული სხვადასხვა ეკო პროექტებსა და ბუნების დაცვის კუთხით განხორციელებულ ღონისძიებებში . 5 ივნისს- გარემოს დაცვის მსოფლიოს დღის აღსანიშნავად ტყიბულელმა მეშახტეებმა ,,მწვანე აქცია“ მოაწყვეს.
       ,,საქნახშირი ჯი-აი-ჯი ჯგუფი“ის თანამშრომლებმა საწარმოს ეზოში არსებული მწვანე საფარი განაახლეს, ტერიტორია დაასუფთავეს და საზაფხულო მოვლა პატრონობითი სამუშაოები ჩაატარეს. ამ ტერიტორიაზე ,,საქნახშირი ჯი-აი-ჯი ჯგუფის“ ინიციატივით ერთი თვის წინ საწარმოს მიმდებარე ტერიტორიაზე რამდენიმე ათეული ძირი წიწვოვანი ნარგავი დაირგო. დღევანდელ მოვლა აღდგენით ღონისძიებებში მონაწილეობა მეშახტეთა ფროფესიული კავშირის წევრებმაც მიიღეს.
,,საქნახშირი ჯი-აი-ჯი ჯგუფი“ უერთდება გარემოს დაცვისსამინისტროს ინიციატივას და ლიდერობას, რომლის თანახმადაც ივნისი ,, წლის მწვანე თვედ“ გამოცხადდა. აქციის ფარგლებში საქნახშირი მთელი თვის განმავლობაში, ყოველკვირეულ სხვადასხვა აქტივობებს გეგმავს.

   ,,საქნახშირი ჯი-აი-ჯი ჯგუფი“ ასევე ტრადიციულად აგრძელებს, იმ ღონისძიებების განხორციელებას, რომელიც კომპანიის მიერ დამტკიცებული გარემოს დაცვითი წლის სამოქმედო გეგმის ფარგლებშია გათვალისწინებული. 1972 წლის 15 დეკემბერს გაეროს გენერალურმა ასამბლეამ 5 ივნისიგარემოს დაცვის დღედ გამოაცხადა. გარემოს დაცვის მსოფლიო დღის აღნიშნვა მიზნად ისახავდა გარემოს შენარჩუნებისა და გაუმჯობესებისათვის ბრძოლაში საზოგადოების აქტიურ ჩაბმას.