კომპანია ,,საქართველოს ინდუსტრიულ ჯგუფში„ (GIG)  საკადრო ცვლილებები განხორციელდა. ლევან ვეფხვაძე, ჯგუფის ერთერთ შვილობილ კომპანიას უხელმძღვანელებს.

2018 წლის 11 სექტემბრიდან ლევან ვეფხვაძე ,,საქართველოს საერთაშორისო ენერგეტიკული კორპორაციის“ (GIEC) გენერალური დირექტორის პოზიციზე დაინიშნა, რომელიც მანამდე  GIG-ის გენერალური დირექტორის მრჩეველი იყო.  

ლევან ვეფხვაძე კომპანიაში  2016 წლიდან მუშაობს და დირექტორთა საბჭოს წევრია.  2016 წლის 18 ოქტომბრიდან  იგი დაინიშნა  სტრატეგიულ საკითხებში კომპანიის გენერალური დირექტორის მრჩევლის პოზიციაზე. მას განათლება მიღებული აქვს დიდი ბრიტანეთის ქ. გლაზგოს სტრატკლაიდის უნივერსიტეტში, სადაც წარმატებით დაასრულა სამაგისტრო კურსები გლობალური ენერგო მენეჯმენტისა და რაოდენობრივი ფინანსების პროგრამით.

ლევან ვეფხვაძეს გააჩნია მრავალწლიანი გამოცდილება მენეჯერულ პოზიციებზე როგორც კერძო, ასევე, საჯარო სექტორში.