საქართველოს ინდუსტრიული ჯგუფი (GIG) განვითარებაზე და წინსვლაზე ორიენტირებული კომპანიაა, რომელიც მუდმივად ზრუნავს თანამშრომელთა მოტივაციის ამაღლებასა და პოზიტიური კორპორატიული სამუშაო გარემოს შექმნაზე.

ჩვენი კომპანიის წარმატების წინაპირობა და მთავარი მამოძრავებელი ძალა აქ დასაქმებული ხალხია. საქართველოს ინდუსტრიული ჯგუფის მრავალფეროვანი და მოქნილი ორგანიზაციული კულტურა დაფუძნებულია ერთმანეთის პატივისცემაზე, ინოვაციებისა და ჩართულობის წახალისებაზე, პირადი და სამსახურეობრივი ცხოვრების ბალანსზე. ჩვენ ვაფასებთ თითოეული თანამშრომლის მოსაზრებას, საქმიანად ვეკიდებით მათ გამოცდილებას, მუდმივად ვზრუნავთ დასაქმებულების პროფესიულ და პიროვნულ განვითარებაზე.

ჩვენი კორპორატიული ღირებულებებია:

• სიახლეებზე ორიენტაცია: იყავი ინოვაციური, შემოქმედებითი და ინიციატივიანი!
• შედეგებზე ორიენტირებულობა: იმუშავე მაქსიმალური ძალისხმევით მაქსიმალური შედეგის მისაღწევად!
• ერთიანობა/გუნდურობა: იყავი პოზიტიური და კოლეგიალური, იმუშავე საერთო მიზნების მისაღწევად! ჩვენთან ჰოლდინგის ყველა თანამშრომელი ერთი დიდი გუნდის წევრია! ერთი გუნდი - მრავალმხრივი ენერგია!
• უსაფრთხოება: დაიცავი შენი და შენი კოლეგების უსაფრთხოება!
• სამსახურისა და პირადი ცხოვრების შეთავსება: გამოიყენე შენი რესურსები ისე, რომ სათანადო დრო დაუთმო პირად ცხოვრებას!
• დასაქმებულის სოციალური პასუხისმგებლობა: იზრუნე გარემოზე და შეიტანე საკუთარი წვლილი საზოგადოების კეთილდღეობის მიღწევაში!