საქართველოს ბიზნეს ასოციაციის ენერგეტიკის კომიტეტის თავმჯდომარის ლევან ვეფხვაძის  ინიციატივით 4 ივლისს,  ენერგეტიკის სამინისტროში მორიგი საქმიანი   შეხვედრა გაიმართა.                    დისკუსია შეეხებოდა ელექტროენერგეტიკული ბაზრის ლიბერალიზაციას, კერძოდ 2018 წლის 1 მაისიდან პირდაპირ მომხმარებლებად დარეგისტრირების ვალდებულებას იმ საწარმოებისთვის, რომლებიც მარაგდებიან 35 ან მეტი კილოვოლტი ქსელით. ასევე, განიხილეს 2018 წლის 1 იანვრიდან 40 მეგავატამდე დერეგულირებული ელექტროსადგურების ბიზნეს საქმიანობის პერსპექტივები და დერეგულირების შედეგად ბაზარზე მოსალოდნელი ცვლილებები. მსგავსი შეხვედრები ბიზნეს ასოციაციის ენერგეტიკის კომიტეტის თავმჯდომარის ლევან ვეფხვაძის  ინიციატივით უკვე მეოთხედ შედგა . შეგახსენებთ, რომ ლევან ვეფხვაძე , რომელიც ,,საქართველოს ინდუსტრიული ჯგუფის“ დირექტორთა საბჭოს წევრია , აღნიშნული კომიტეტის თავმჯდომარედ  2017 წლის მარტში აირჩიეს.       შეხვედრაზე ასოციაციის წევრებს საქართველოს ენერგეტიკის მინისტრის მოადგილემ ირაკლი ხმალაძემ და ენერგეტიკისა და წყალმომარაგების მარეგულირებელი კომისიის თავმჯდომარემ, ირინა მილორავამ „ელექტროენერგეტიკისა და ბუნებრივი გაზის"  შესახებ კანონში გასულ კვირას განხორციელებული ცვლილებები გააცნეს