ნათია თურნავა საქართველოს ინდუსტრიულ ჯგუფში თითქმის 6 წელია მუშაობს. იგი ჯერ სსეკ-ის გენერალური დირექტორი იყო, ხოლო, 2008 წელს ჯი-აი-ჯი-ს ერთერთ დირექტორად დაინიშნა. 2010 წლიდან მას უკავია საქართველოს საერთაშორისო ენერგეტიკული კორპორაციის დირექტორთა საბჭოს თავმჯდომარის თანამდებობა.

1994 წლიდან მოყოლებული, მას სხვადასხვა სახელმწიფო სტრუქტურებში მუშაობის სოლიდური გამოცდილება დაუგროვდა. მათ შორის 6 წლის განმავლობაში (2000-2006) ეკავა ეკონომიკის განვითარების მინისტრის მოადგილის თანამდებობა. 1994-1996 წლებში მუშაობდა მკვლევარად დემოკრატიისა და პოლიტიკურ მეცნიერებათა ინსტიტუტში; 1997 წლიდან 2000 წლამდე იყო სხვადასხვა სამსახურის უფროსის მოადგილე სახელმწიფო კანცელარიაში, პრეზიდენტის ადმინისტრაციასა და თბილისის საკრებულოში.

1994 წელს თბილისის სახელმწიფო უნივერსიტეტში მას მიენიჭა მეცნიერებათა დოქტორის წოდება ეკონომიკის დარგში. ასევე 2013 წლის მარტში მიიღებს მაგისტრის წოდებას University of Cumbria-ში (დიდი ბრიტანეთი) სადაც ამჟამად ეუფლება სპეციალურ პროგრამას ლიდერობის განხრით.