,,საქართველოს საერთაშორისო ენერგეტიკული კორპორაციის" გენერალურმა დირექტორმა ლევან ვეფხვაძემ, გალტ & თაგარტ-ის (Galt & Taggart) ორგანიზებით გამართულ კონფერენციის მუშაობაში მიიღო მონაწილეობა , სადაც ენერგეტიკულ სექტორში არსებული ვითარებისა და გამოწვევების შესახებ იმსჯელეს.
კონფერენციას ესწრებოდნენ ენერგეტიკის დარგში მომუშავე კერძო და საჯარო კომპანიების წარმომადგენლები, ასევე საერთაშორისო საფინანსო ინსტიტუტები. ლევან ვეფხვაძემ თავის გამოსვლაში აქცენტი დარგის ისეთ საკვანძო საკითხებზე შეაჩერა, როგორიცაა - ელექტროენერგიის მოხმარების და გენერაციის ტენდენციები, იმპორტის დინამიკა, საექსპორტო ბაზრების პოტენციალი და სამომავლო პერპსექტივები. მისივე თქმით სექტორში მიმდინარე რეფორმები ახალ შესაძლებლობებს აჩენს და ბაზრის ახალი სტრუქტურა ახალი ტიპის ინვესტორების მოზიდვას უნდა უწყობდეს ხელს, რაშიც აქტიურად უნდა ჩაერთოს სამთავრობო სექტორი. განსაკუთრებული აქცენტი კი მისივე თქმით, განახლებადი ენერგიის წყაროებზე და ამ მიმართულებით ინვესტორების მოძიებასა და ხელშეწყობაზე უნდა გაკეთდეს , მითუმეტეს რომ ეს მიმართულება მომავლის ენერგეტიკაში ერთერთი წამყვანი მიმართულება ხდება.